Diasabra ultimo 22 di juni, APA a organisa cu ‘Family Day 2019’cual a tuma luga na Tierra del Sol Resort & Golf for di 10’or di mainta pa 6’or di atardi y cu a bira un dia sumamente placentero, yena di goso y alegria pa tur famia cu asisti.
Micky y Mini a ricibi tur e invitadonan y nan famia na entrada y tur hende a sinta hunto bou di un tent caminda tabatin diferente actividad prepara pa mayornan y nan yiunan mientras cu a prepara tambe un skina cu catering pa sirbi tur cu a participa.
Entre otro e dia di famia tur hende por a gosa den e piscina, tambe a prepara un Disney Creation cu diferente slide pa percura pa un ambiente alegre pa e muchanan, tambe tabatin Dinojump y un pool Dinojump, trampolin.
E muchanan por a sirbi nan mes na e tent di raspou y e muchanan a hunga y gosa hunto cu nan famianan, hunga cu otro, sinta come hunto y asina e pasa varios ora gosando di e fabuloso evento aki.
Sin duda un dia exitoso caminda invitadonan cu nan famia a gosa di tur locual a wordo prepara pa nan y a pasa algun ora den un ambiente familiar sumamente special.
Di e forma aki gerencia di Aruba Ports Authority kier a gradici cada famia cu ta tras di cada trahado y ta manera un motor cu ta sostene e trahado ,pero alavez acepta cu pa e por eherce su trabao y gana su entrada y cu no por ta tur ora na cas y hunto cu su famia.
APA ta masha gradicido cu e sosten cu cada empleado ta ricibi di nan famia.