Tur aña cu ta sigui ta keda duna e mesun tipnan. E aña aki tin hopi mas yerba seco. For di luna di Mei ta recomenda caba, unda tabata tin hopi candela di mondi. Si tin hopi yerba banda di bo cas, chapi esaki. Para e autonan leu di mondi tambe pa no bay pega candela anto zorg pa no bay kima sushi cerca di cas. Sr. Ferdinand Ponson ta informa.
E tradicion di Dera Gai no ta pa kima sushi, sino pa core cu fucu den temporada di plantacion na Aruba. Na final ta kima e resto di e cropsnan y zorg pa trece nobo y haci e tera fertil. Tene cuenta cu huma ta dañino pa hende, tene consideracion cu por tin bisiña cu tin baby of ancianonan. E huma por hacinan malo y bay hospital.
Pa regla no mag di kima nada den cura siendo cu polis por yega controla esaki. Si en berdad bo kier celebra y mantene e tradicion, vooral pa esunnan cu no ta sembra, tin e diferente centro di barionan cu ta haci eventonan. Por hiba e muchanan pa siña un tiki mas di e cultura real, hunto cu brandweer di Aruba.
Ta haya lezingnan na diferente scolnan cu diferente proyectonan cu seccion di cultura cu tin na Aruba y asina ta siña hopi mas. Pakico nan ta papia di dera gai, e vestuarionan, bailamento y e colornan. Tur esaki por haya na e Centro di Bario y evita pa pega candela y haci cosnan cu no ta bon.
Tene cuenta cu brandweer ta recomenda pa no kima nada, tin hopi caminda cu kimico y tire, entre otro por ta dañino pa salud di henter comunidad. Te asina leu, Sr. Ferdinand Ponson, vocero di Cuerpo di Brandweer.