Dia di aprecio na La Cabana Beach Resort & Casino a encera un asamblea festivo den e sala di conferencia. E evento a conta cu palabranan di bon bini y un mensahe di seguridad di e Gerente General Joe Najjar, un discurso motivacional door di Recurso Humano, un rifa atractivo, un ceremonia di premiacion poniendo hotel su streanan den centro di atencion, y finalmente, como e tradicion, e evento anual di eleccion di reina.
Najjar a yama un caluroso bon bini na tur e asociadonan, reconociendo nan tantisimo contribucion y nan compromiso total na huesped- y coleganan.
E hotel ta track nan score di customer satisfaction via Medallia paso Medallia ta un sistema efectivo pa maneha e customer experience, e ta capta feedback di huespednan y transforma e datos den vision den real time.
Siguiendo e lista di logronan pa 2017, metanan nobo a wordo estableci pa e proximo aña y algun di e balornan central a wordo revisa, atendiendo e ‘Why’, ‘How’ y ‘What’ di La Cabana Beach Resort & Casino, den su trayecto cu ta dirigi pa laga e huespednan sinti nan mes na cas, compartiendo e pasion di hospitalidad, respondiendo na tur nan necesidadnan, garantizando nan siguridad, transmitiendo confianza total y pone nan sinti special.
Entre e asociadonan mas menciona riba Medallia di cada departamento tin: Front Desk, Roderick Martis; PBX, Sheryl D’arsie y Alexandra Werleman;
Housekeeping, Yolanda Boekhoudt; Engineering, Ricky Lont; Security, James
William; Activities/Health Club, Nixon Castillo; Food & Beverage, Gareth
Rosa y Roshaline Croes; Owners Services, Desiree Henriquez; Accounting,
David de Cuba y Mauro Yanes; Bluegreen, Carolyne Geerman y Executive Office,
Jessica Franken.
Esun mas menciona riba Medallia di e hotel completo ta Angel Santos kende a ricibi un bunita premio pa su briyante funcion laboral.
Na e evento tambe a reconoce asistencia perfecto cual a bai pa Mildred Clemencia, Top F&B sellers a bai pa Vicente Guerrero, Manolo Valdez y Jandor Lampe y esun cu mas a destaca den cushina ta Maria Maduro.
Entre e dsitincionnan na Front Desk tin: Nicole Ramirez, Geegee Jaranilla y Janet Reid cu a destaca den check-ins, check-outs y upselling.
Otro logronan cu a wordo elogia ta inclui e Housekeeper mas solicita, Dolores Flores; Engineering cu ta responde mas lihe, Adilio Diaz y Ainsley Murray.
Security cu ta responde mas lihe, Christ Carolina y Marlon Clemencia,
E lunch cu e miho tema a wordo plania pa Accounting.
Otro reconocimentonan importante cu a wordo anuncia anteriormente tawata pa
Asociado, Supervisor, Manager & Team, di aña di 2017, cual a bai pa Nixon Castillo, Annuar Kock, Dave van der Veen, Gisella Pallares y e di cuarto piso di team di Housekeeping.
Na e evento tambe a elogia Jason Martijn cu ta e persona cu ta tras di e ‘Thumbs up Program’; Elvin Figaroa y Sandra Gacusan kende nan a yuda cu e graduadonan, a yuda cu e Social committee/ Green & Health committee / ET/ y Safety committee. Ademas tin e dos departamentonan cu mas a mehora cual ta Owners Services y Housekeeping. Y pa clausura, e departamento cu a score mas halto den AOS ta HR/Exec Office. Tur ganador a ricibi aplauso y un muestra di aprecio.
Asociadonan a responde cu un entusiasmo grandi ora e hotel su mision y su balornan principal a wordo comparti.
Na final di e evento e reina di Carnaval di e aña aki a wordo elegi entre 5 candidata na Pata Pata Bar. E reina Lixandra Geerman hunto cu prins Nixon y pancho Alexis di Activities a uni nan mes cu e otro candidatanan Azucena Struikelblok di Housekeeping, Nicole Ramirez di Front Office, Miriam Fernandez y Maria Maduro di F&B y asina a baila y goza cu Quality Brassband,
invitando huespednan pa join e fiesta.
Riba potretnan por aprecia algun momento di e celebracion productivo y informativo.