Introduccion
Organisacion Mundial di Salud (OMS) den su strategia mundial riba e reglanan di alimentacion y actividad fisico,ta propone un modelo planifica pa cambio di comportacion di e pueblo cu lo tin beneficio social, sanitario y economico. (OMS, 2009). Den e sentido ey y despues di e exito grandi di Dia Mundial di Salud na aña 2002, cu a logra mobilisa 148 pais cu un total di 1987 evento, cu e slogan ‘Agita Mundo –Move pa Salud’,traduci den 63 idioma diferente,e Asamblea Mundial di Salud di e Organisacion Mundial di Salud a pidi e diferente paisnan miembro pa celebra tur aña un dia cu e fin di promove e actividad fisico cu elemento esencial di salud y bienestar. Asina oficialmente a cuminsa cu un iniciativa anual cu e lema cu ta keda determina prome y cu ta conta cu un red amplio di laso den e comunidadnan rond mundo. E celebracion menciona ta forma parti di un iniciativa mas amplio di OMS destina pa combati e carga creciente di malesa cronico door di e ‘Strategia Mundial di Regla di Alimentacion, Actividad Fisico y Salud’, cu a ricibi nan mandato tambe.
Un estudio publica den e revista medico ‘Lancet’,cu a conta cu aprobacion di Organisacion Mundial di Salud (OMS),a mustra cu e poblacion mundial tin riesgo pa motibo di sintamento. E investigacion a indica cu sintamento ta e causa di malesa cardiovascular, diabetes y cancer di tripa of di pecho; ademas esey ta causa e efectonan negativo pa e salud mental y e calidad di bida.
Aproximadamente 1400 miyon di hende rond mundo ta sufri di e malesanan aki, p’esey ta necesario pa tur gobierno implementa un maneho publico pa trata e problema, segun e Organisacion Mundial di Salud (OMS) a planea.
Mester corda cu OMS a confirma cu pa logra pa hende haci movecion,ta un strategia importante pa baha e carga di ENT segun e Plan di accion mundial di OMS,pa prevencion y control di e ENT 2013-2020, na unda ta haci un yamada pa baha e inactividad fisico cu 10%,di awo pa 2025, loke lo contribui na yega e Obhetivo di Desaroyo Sostenibel(ODS). E aña aki tin un novedad grandi, esta e programa mundial ‘tur stap ta conta’ cu ta bin cerca e strategia di 30 minuut.
E ‘Centro Estudios del Laboratorio de Aptitud Fisica de Sao Caetano do Sul’(CELAFISCS), siguiendo cu su tradicion di cambia e conocemento cientifico den practica, ta bay cuminsa un Campaña Nobo di e Programa Agita Sao Paolo, cu yama ‘Tur Stap ta Conta!’.
Actividad fisico di cualkier duracion ta conta:
Por hinca tur dia ehercicio of actividad fisico modera pa intenso den e volumen di tur dia di actividad fisico. E directornan di actividad fisico di aña ,2008 pa e paisnan Mericano,ta recomenda un acumulacion di actividad fisico modera pa intenso den periodonan di 10 minuut of mas.
Un investigacion nobo a demostra awo cu cualkier cantidad di actividad fisico modera pa intenso ta conta pa yega na loke ta desea.
E Comite di 2018 a yega asina leu di conclui,cu sesionnan di cualkier duracion ta contribui na e beneficionan di salud asocia na e volumen acumula di actividad fisico.
E proyecto nobo aki tin tres logo y strategia, bon defini:
1) Area di salud (Tur stap ta conta, contra sintamento)
2) Area di educacion (Tur stap ta conta, pa promove salud)
3) Mas amplio (mehora bo salud: Tur stap ta conta)
E recomendacionnan nobo di actividad fisico
•Cambiando teoria pa practica:
•Tur stap ta conta pa promove salud;
•Tur stap ta conta pa combati sintamento;
•Tur stap ta conta pa mehora e salud.
Tumando over e accionnan di e dia mundial di actividad fisico 2019, ta spera di involucra mas hopi organisacion posibel cu na nan turno por haya e mayor cantidad di participante posibel, respetando y probechando e caracteristicanan y aspectonan cultural local,cu ta forma parti di e mensahe di promocion di un bida saludabel y activo.
Metanan:
•Bin cu strategia pa adopta un estilo di bida activo y custumber efectivo pa promove un bida saludabel y activo.
•Conscientisa e poblacion y e organisacionnan social tocante prevencion di malesa cronico no transmisibel. E importancia di un bida activo pa mehora e salud y p’asina logra baha e cantidad di inactividad fisico y e epidemia di sintamento di e pueblo en general.
•Crea ambiente faborabel pa tur hende participa pa fortalece e capacidad di e comunidad pa haci actividad fisico.
•Promove salud pa medio di actividad fisico y enfoca riba prevencion y control di malesacronico no transmisibel y di tur otro cos cu ta yuda e bienestar di un hende,cu un bista holistico y den cuadro di e maneho di gobierno.
Programa di actividad
Haci un yamada na tur bario, club, universidad, scol etc. pa celebra e Siman di Actividad Fisico y di Salud, for di dialuna dia 1 te cu diadomingo dia 7 di april, poniendo enfasis tur dia, durante diferente accioncu ta involucra tur e gruponan concerni.
Importante: E proposicionnan ahusta ta segun e Manual di Bon practica pa informa y duna guia na cuminsamento,principalmente na e participantenan nobo, pa duna idea, sostene maneho relaciona cu promocion y ley di Actividad Fisico.
Dialuna 1 di april Medio di Comunicacion
1)Media Social: Biba Activo/ Bida Largo!
Durante siman lo manda frase relaciona cu e beneficionan di mantene, mehora y recupera e salud pa medio di actividad fisico,cuminsando e dia ey via internet, Facebook,Twitter y otro medio social. Ta pone acerca un proposicion como ehempel cu ta manda pa henter e pais:
Amigonan stima/aprecia:
Nos ta invita bo pa participa na e Dia Mundial di Actividad Fisico cu nos ta celebra dia 6 di april,cuminsando dialuna 1 di april cu diferente actividad te cu7 di april. Asina tambe nos ta pidi boso comparti e mensahe aki riba Facebook of otro medio di comunicacion of via un hashtag…
Di otro banda nos ta spera di por conta cu boso participacion y ta pidi pa cambia bo potret di profile pa e logo di ‘Dia Mundial di Actividad Fisico’, p’asina manda e mensahe rond mundo.
Dianan special cu experto pa habri siman
Orientacion di tema pa Ciclo di charla (durante siman mester confirma dia y ora)Esakinan lo ta na luganan confirma, manera scol, universidad, centro di bario etc..
Organisacion activo y saludabel:
Enfoke di comunicacion:Manda video via e-mail pa tur mandatario y departamento di gobierno,pa conscientisa e importancia pa e salud, pa haci actividad fisico periodicamente y tambe e riesgo pa e salud di keda mas cu dos of 3 ora sinta.