DOW a publica un aviso importante den cual nan a comparti algun fecha durante cual e caminda di San Nicolas pa Playa y Playa pa San Nicolas lo ta cera pa trabounan di mantencion.
Entrante dialuna 19 di juli te cu 30 di juli 2021 for di 9or di mainta pa 4or di atardi, lo bay cera caminda principal di San Nicolas pa Oranjestad, na haltura di Brug di Peaton na Pos Chikito pa trabounan di mantencion di e brug.
“DOW, C.I.C. N.V. y KPA ta pidi pueblo di Aruba y tur automobilista pa tene cuenta cu e desviacion aki y e inconveniencia cu lo por surgi pa cual nos ta pidi nos disculpa y ta gradici pa e comprension y cooperacion.”