Aruba Astro Research Int. kier a informa cu dia 29 di februari 2024 ta un dia hopi importante pa nos kalender Gregoriano conoci como Dia di Aña Bisiesto, Schrikkeljaar Dag y Leap Year Day, cu ta conta cu 366 dia compara cu un aña normal di 365 dia.
Aña 2020 nos tabatin e ultimo Aña Bisiesto sigui p’e aña aki 2024. Despues lo sigui pa aña 2028 y aña 2032.
Aña Bisiesto a wordo introduci na 45 BC esta prome cu Cristo pa Julius Caesar, introduciendo e Kalender Juliano, marcando historia e Aña Bisiesto y Dia Bisiesto ta pa calibra esta mantene e calendario y aña solar cana perfecto cu otro.
Pero e Kalender Juliano a sufri hopi eror durante e siglonan cu a pasa. Na siglo 16 Papa Gregorio XIII a trece un reforma, un cambio den e calendario introduciendo asina e Kalender Gregoriano cu a mehora e sistema di Aña Bisiesto (Schrikkeljaar, Leap Year) na unda ta exclui e añanan dividibel pa 100 cu excepcion di e añanan dividibel pa 400, asina trece un mehoracion den e calculacion entre e añanan solar y añanan di e calendario.
E Aña Bisiesto, Schrikkeljaar, Leap Year su dia 29 di februari, un dia extra den e calendario ta sumamente importante pa sincronisa nos Kalender Gregoriano cu e orbita di nos planeta Tera.
Nos planeta ta tuma 365.242190 dia pa completa su orbita rond di e solo. E calibracion di Aña y Dia Bisiesto ta di 0.242190 dia cu ta igual na 5 ora 48 minuut y 56 seconde. Durante un Aña Bisiesto y Dia Bisiesto hopi evento special ta tuma luga. Tin hopi pareha ta drenta den enlace matrimonial. Pa esunnan cu a nace riba e fecha aki ta celebra nan cumpleaños dia 28 di februari y e otronan riba dia prome di maart durante un aña normal di 365 Dia.
Tin pais cu nan oficina di censo ta acepta pa cumpli aña dia 28 di februari y otro cu ta acepta esaki dia prome di maart y cada 4 aña ta celebra esaki riba dia 29 di februari normal. Durante un Aña Bisiesto hopi cos hopi malo, bon y unico por pasa. Mantene fe den e Dios berdadero y no bay tras promesa falso di e Dios falso cu lo purba di domina e gran mayoria pa nan finnan personal y trata di kibra humanidad door di pone un contra di otro. Laga e amor y e poder di Dios sigui prevalece semper.