Evelyn Yarzagaray-Ras, directora di Famia Plania a comenta riba dia mundial di anticonceptivo pa cual e ta splica e importancia di e dia special aki pa e fundacion.
Esaki desde aña 2007 cu algun organisacion internacional a uni nan mes cu ta traha hopi profundo cu e aspecto aki di salud sexual y metodonan anticonceptivo. Aruba tambe a join hunto cu e movecion aki y tambe ta celebrando e dia aki desde aña 2007.
Segun Yarzagaray, e dia aki ta pa concientisa e comunidad cu despues di tanto aña di evolucion cu tin diferente metodonan anticonceptivo cu ta accesibel. Aruba ta un di e paisnan cu ta afilia su mes na diferente di e organisacionnan aki internacional, unda cu por brinda nos comunidad diferente opcion. Pa concientisa nan cu depende ki tipo di estilo di bida bo tin, depende bo historia medico, cual ta e miho opcion pabo pa asina bo por preveni no solamente un embaraso, pero tambe pa bo por sinti bo mes safe di locual cu ta trata e malesanan contagioso cu bo por haya door di acto sexual, segun Yarzagaray.
Esey ta en breve kico Famia Planea ta para pe y internacionalmente ta uni na e movecion aki cu ta dia Mundial di Anticonceptivo.