Dia 26 di juli dia di Mangelnan rond mundo. Proclama Internacional pa legalisa tur mangelnan. Laga nos recorda nos mangelnan cu ta crece na costa banda pa zuid di Aruba. Nos isla tin 4 sorto di mangel. Mangel Preto-otro ta yame Swartmangel (Avicennia germinans). Su nomber ta honra na San Nicolas unda un sitio cu yama Zwartmangel. Na Spaans Lagoen e mangel aki ta sobresali. Na su colo bo ta ripara cu e ta berde shinishi. E mangel Preto ta saca hopi snorkel (pneumatophora)for di e lodo compacto manera klei yen di materia organico. E snorkel ta masha valioso pa e mangel, e ta conecta cu e reisnan den e lodo compacto pa e hala rosea.Den salo extremo e ta sobrevivi. Den saliñanan y parti noord di Spaans Lagoen y na Zeewijk por mire. Fuera di esey e ta saca e salo for di su blachinan, ta mire esey na e blachi cu tin pik-pik balnco y e buraconan blanco. Mangel Tam (Rhizophora mangle) ta domina na Spaans Lagoen. Su reisnan ta manera pianan largo ta sostene e mangel Tam cu ta drenta den e awa y lodo pa sigi crese. Su reisnan cu ta colga den awa ta cria hopi diversidad di cuminda pa yiunan di pisca y ta un luga di sconde pa tur sorto di pisca cu ta un luga di refugio. Cana den Spaans Lagoen ta un luga di silencio y meditacion door di scucha e parhanan aguatico cu ta come tras di e mangelnan cu bo no ta weita. Mangel Cora (Laguncularia racemosa) ta scars den Spaans Lagoen,te na final di e ruta ta weite. Ta conoce na su blachinan poco rondo y e steel ta cora. Na Baby beach casi tur mangel ta cora. Hasta e luga yama Mangel Cora y e pos yama Pos di Mangel cora. Aki a laga kap e mangelnan pa haci luga pa pone WC. Foei!.Mata cu a wanta biento y ola halto di horcan a sobrevivi. Laga nos duna balor na nos mangelnan. No ta pornada nan tey. Mangel Blanco (Conocarpus erectus), no ta necesario cu e ta crece cerca di lama, e ta crece un cu e suela ta salo y canto di saliña y por plant’e hasta den cura unda ta salo. Fofoti nos conoce for di dia cu a destrui e mangel canto di lama. Nos sa cu cana den su area ta bon pa nos y ta duna hopi mas oxigeno cu otro matanan. Ban cuida nos mangelnan cu amor.