Awe un biaha mas e fisioterapista Rudy Carti mester a presenta a presenta dilanti Hues, sinembargo e tabata estilo Pro Forma.
Carti ta wordo acusa di violacion un of mas biaha di cuatro persona. E hechonan aki a sosode den e periodo 2019 te cu November, 2020, ora cu e prome denuncia a wordo haci.
Hasta tin acusacion di violacion di un persona na aña 2012.
No a menciona e motibo cu e caso no ta cla pa wordo trata ainda, despues cu dos siman pasa caba e tabata dilanti Hues Pro Forma.
Carti mes no tabata den sala di Corte, y a sigui e proceso via di Zoom. A inform’e cu e tratamento lo tuma luga dia 25 di juni pa 8.30 di mainta y cu esaki lo dura mas o menos un ora y mei
Su abogado den e casonan aki ta mr. Carlo. Y e tabata kier sa tambe ki a para cu e caso di un suma grandi di placa efectivo cu a wordo confisca. Fiscal a splica cu no a pone nan hunto door cu nan ta casonan diferente, e ta mas bien un klacht.
A splica tambe cu tur cos ta depende kico e investigacion final duna. Sea ta pone fecha pa e caso aki of si no tin nada illegal, ta dun’e e placa bek.
