Den World Trade Center na Den Haag, Hulanda, ta tuma lugar dia 24 di November 2018, e conferencia di medico CARE CARIBBEAN 2018 organisa pa fundacion WeConnect. Fundacion WeConnect ya pa vários aña ta trahando riba desaroyo di conosemento riba e islanan. Pa medio di e evenemento akí WeConnect kier yuda stimulá studiantenan y profecionalnan di e islanan di Caribe den Reino Hulandes den e area médico y di cuido pa regresá nan isla despues di a completá nan estudio na Hulanda. “E concurencia den e sector médico ta fuerte, pues nos ta boga pa empresarionan pensa riba bon insentivo pa atraé yuinan di tera pa regresá. Por pensa riba zùsternan, fisioterapistanan y logopedistanan. Un trayektorio edukashonal atractivo ta importante pa e generacion akí di young professionals, ta palabranan di Tanja Fraai, manager di WeConnect.
E evento aki ta specialmente pa e studiantenan di medicina cu ta bini di e parti Caribeño di Reino Hulandes. Tanto studiantenan di Aruba, Curacao y demas islanan di Reino cu ta ser educa profesionalmente den health care, lo tey presente.
E assosacion cu ta organisando e evento aki ta Asosashon Medico de Antias, cu ta un organisacion cu ta uni e studiantenan di medicina for di e islanan Caribeño Hulandes cu otro. Tambe AMA tin como meta pa informa e studiantenan riba tur posibilidad di trabao y contacto na e islanan Hulandes den Caribe.
E dos temanan principal lo ta con ta drecha e forma cu studiantenan cu termina por drenta e mercado laboral di medico na e islanan di Reino mas facil y con e islanan por traha hunto cu otro y cu Hulanda riba e tereno aki.
Pa Aruba, Marvin Eyra cu ta ARBO arts na Hulanda, lo tey presente cu e tema prevencion den salubridad cu focus riba prevencion di hiv. Tambe Professor Oncologo Bob Pinedo y Minister di salubridad Hulandes Blokhuis lo habri e conferencia aki.
E evento lo bay tin un caracter interactivo y tin como obhetivo pa crea un strategia riba un término largo pa e yuinan di tera. Ministernan di Salubridad Público di tur e cuater paisnan den Reino y alabes representante di e diferente hòspitalnan local a wòrdu asercá pa por duna nan aporte durante e debate cu lo tin di atrae futuro médico y paramédiconan pa e islanan.