Dia 22 di maart proximo lo tin e apertura di ‘Hanchi Awa’, cual ta cay ariba Dia Internacional di Awa. Sra. Genely Quant, boluntario/ coordinador na Stichting Rancho, ta amplia mas ariba e inauguracion aki.
E dia aki lo bay pone e borchi ‘Hanchi Awa’, y tambe lo tin diferente actividad. Tin un programa yena cu actividad, unda cu pa 5 or lo tin e Mobiled Bus pa Mucha, siña kico ta e tecnicanan cu ta wordo uza, traha bo printmaking, cosnan asina. Pa 5 or y 30, ta yegada oficial di e invitadonan special y tambe e representantenan di diferente sponsornan, cu lo splica nan motibo pa cual nan a sostene e proyecto aki. Tambe lo tin un vindishi di cuadranan di tanki di awa, traha pa Sr. Siro Abath, cu a yega di duna e cuadranan aki den donacion. Sr. Abath a duna e fundacion pa recauda fondo.
Tambe e atardi aki lo bay tin snacks, bebida, tur hende ta keda invita pa bin wak e tanki di awa cu ta di hopi importancia pa e fundacion. E atardi, anochi aki lo tin e muchanan cu a traha nan arte durante e luna aki na Centro di Actividad Rancho, unda cu tabata tin un stencil workshop cu nan a traha cu e artistanan Irving Agular y Gilbert Ramos, cu nan ta bay pinta e stencil cu nan a traha ariba e mural, cual tambe lo por wak esaki dia 22. E ta bay ta un actividad basta yen, pa cual ta invita un y tur, tur hende cu kier sa di monumento y di e arte cu Irving ta traha, como tambe di e fundacion, tur esaki por haya e dia aki, dia di apertura di ‘Hanchi Awa’, ariba Dia Internacional di Awa.