UNESCO ta sostene diversidad linguistico como un herment ireemplasabel di sostenibilidad y paz.
UNESCO ta celebra Dia Internacional di Lenga Materno pa mas di 20 aña cu e mira pa preserva diversidad linguistico y promove educacion multilingual basa riba lenga materno.
Diversificacion linguistico ta aumentando gradualmente mirando cu mas y mas idiomanan ta disparce. Un averahe di un (1) idioma ta disparce cada dos (2) siman, hibando asina un herencia cultural y intelectual completo cun’e. Proteha diversificacion linguistico a bira un reto.
Pa loke ta trata e educacion multilingual basa riba idioma materno of idioma principal, por mira un progreso. En general por bisa cu tin un miho percepcion di idiomanan materno, tin mas compromiso pa nan desaroyo den bida publico, y ta tuma mas accionnan pa sigura educacion den lenga materno den e prome añanan di scol.
Na ocasion di Dia Internacional di Lenga Materno 2018, UNESCO ta reafirma su compromiso cu diversificacion linguistico y ta invita su Estadonan Miembro pa celebra e dia den mas tanto idioma cu ta posibel como un recordatorio cu diversidad linguistico y multilingualismo ta esencial pa un desaroyo sostenibel.
E aña aki, nos ta conmemora e 70 aniversario di e Declaracion Universal di Derecho Humano y nos ta aplaudi su traduccion den mas di 500 idioma. Articulo 2 ta bisa “Tur hende tin derecho riba tur derecho y libertad manera ta exponi den e Declaracion aki, sin distincion di cualkier tipo, manera rasa, color, sexo, idioma, (…)”
Nos ta biba den sociedadnan multilingual y multicultural cu ciudadanonan multilingual. Nos ta existi pa medio di nos idiomanan; ta pa medio di idioma cu nos ta expresa nos mes, nos ta comunica, nos ta participa den bida social y publico, y nos ta transmiti conocemento tradicional, conocemento y culturanan na un manera sostenibel.
Idiomanan ta instrumentonan ireemplasabel pa sostenibilidad; cada un di nan ta transmiti un patronchi diferente di pensamentonan y bista riba mundo. E realisacion di desaroyo sostenibel ta depende riba diversidad linguistico y multilingualismo y e contribucion cu e ta duna na educacion di e ciudadano global ya cu e ta promove encuentronan intercultural y miho maneranan pa biba hunto.
“Obranan na Papiamento”
Departamento Arubiana/Caribiana,
Biblioteca Nacional Aruba.