UNESCO Aruba a complita su di dos un tayer awe na Biblioteca Nacional Aruba riba
preservacion di Herencia Cultural Inmaterial na Aruba. E mainta a cuminsa interactivo unda e repasa e programa di e dia anterior. Despues a cuminsa cu un presentacion di Sr. Eldric Croes cu ta forma parti di Archivo Nacional Aruba. Sr. Croes a duna informacion tocante con ta warda, cuida y proteha nos archivonan (documentonan, potretnan, video’s, cassette etc.) Degitalisa ta un manera pa por sigui traspasa informacion pa e generacion nobo.
E meta ta pa bin hunto y crea un plataforma unda por intercambia informacionnan den archivo, Sr. Croes ta splica. Despues di un break cortico, Sr. Ryan Oduber a duna un presentacion tocante e tecnica di filmacion. Esaki ta un elemento importante ora kier preserva pasado pa futuro. Semper mester tuma cuenta cu diferente criterianan ora kier documenta un storia of persona riba film. Den e precentacion di Demond Ridderstap a agrega e parti di fotografia cu tambe por forma parti di un documentacion.
E dia a termina cu un precentacion unda a presenta e documentario “Gerry El Barbero” pa asina duna e participantenan, inspiracion.
Tur interesadonan por sigui e tayer “Live” via riba e Facebook page di biblioteca Nacional Aruba (https://www.facebook.com/bibliotecanacionalaruba/?fref=ts).
Keda pendiente pa e di tres comunicado tocante e di tres tayer di HCI.