Dia 13 di October tabata un Dia Internacional pa reduci Desaster. Pa Aruba por a wak un aña hopi druk, cual tabata un aña hopi activo pa Rampenbureau y e dienstnan cu ta traha como first responder.
Por wak atras cu a conscientisa e pueblo ariba un nivel, mas cu normal y asina tambe cumpliendo cu dia 13 di october cu ta proclama pa Nacionnan Uni, pa prevencion di desaster. Si coy naturalesa, den e parti di risico di naturaleza, bo no por elimina e desaster si, pero bo tin cu prepara bo comunidad pa deal cu e consecuencianan despues cu e afectabo. Por ripara cu e pueblo a bira hopi mas consciente.
Sr. Hermans a sigui bisa cu Aruba ta wordo evalua pa instancianan internacional seis biaha pa aña con su reduccion di desaster ta y cada biaha e evaluacion ta sali positivo. Tambe ta haya tips, pero esaki ta bin cu su parti economico, y e ora mester convence gobierno pa inverti den prevencion di desaster.
Si evalua e situacion di Venezuela, pa cu su mantencion di su rafinaderia y e Lago di Maracaibo cu ta contamina cu petroleo, e peligernan pa un oilspill ta keda. Aruba tabata tin saragosa (zeewieren) cu a suta nos costanan, como tambe e deiningnan. For di 2016 di e oilspill di Trinidad cu a asota nos costanan.
Dus no solamente binnenland, pero nos costanan ta vulnerabel, y esey ta nos sector economico. Tur nos hotelnan ta na nos costanan, y e risiconan ta hopi grandi. Pero Rampenbureau ta trahando ariba esaki.
Por ultimo, Sr. Hermans a bisa cu e por ta satisfecho a base di yamadanan cu ta drenta pa workshop, training y tambe e crisisplan cu ta drentando pa wordo coregi door di Rampenbureau, y nan ta hopi mas consciente cu añanan atras. E aña aki a ripara cu cierto hendenan cu a haya tereno comercial, pero aworaki mester haya un Brandbeveiliging di Brandweer, pero mester haya e risicoanalyse di Rampenbureau, con e plan of unda e ta bica, y ki risico e ta trece pa comunidad.
Tambe Sr. Hermans a gradici e 32 dienstennan cu ta e prome yama pa responde na cualkier incidente, pa sigui cu e mesun fervor pa haci Aruba mas safe. No por keha e aña aki, Rampenbureau tabata hopi ocupa cu training. Y nan no a haya un resistencia di nan, dus por ripara cu e ambicion pa train pa grandi, pa cual Sr. Rino Hermans ta felicita y lo sigui traha pa e aña nan dilanti reduci e cantidad di desasternan.
