A inaugura e monumento di Inmaculada Curason di Maria 29 di october 2017 na Sta. Cruz.
Hunto cu Vicario Andres y pastor Jairo Maduro y debotonan di Mama Maria y otro misionnan, koornan, gruponan Carismatico, misdienaars, yudantenan riba altar y parokianonan tur hunto a canta y resa. Acolietnan a carga e imahen den procesion pa instale den e monumento. Awa di cielo a bendiciona tur presente, prome cu Vicario a bendicion tur pueblo presente y e imahen. Tabata presente especialmente pa e ocacion aki, representantenan di e organisacion internacional di Portugal Sr. Antonio y su esposa Asencion Cuedes. Riba tur 13 di cada luna tin oracion na e monumento. Ta invita tur hende, debotonan pa Dialuna 13 november pa 6 or di atardi na e monumento. Ta trese bo mesun klapstoel. Ta resa un rosario, canta na honor di Sagrado Curason y Mama Maria, despues tin misa pa sera e dia di Señor.