Dia 12 di februari Liesbet Jusia lo tene un anochi special di San Valentino tocante ‘mediumship’

Pa Liesbeth, ‘mediumship’ ta algo natural y un forma di bida. Nos tur ta intuitivo te na un cierto grado, asina e parti di nos naturalesa ta. P’esey no ta algo espantoso of sobrenatural! ‘Mediumship’ pa prome y mas cu tur cos ta trata di sanacion y yuda hende bay dilanti den bida. Nos sernan keri cu a bay laga nos, nan solamente ta desea di yuda y apoya nos, pa eleva nos consciencia of spierta nos y pa inspira nos. Kico cu bo persona haci ta keda depende di bo y no di nan.
Liesbeth ta serio den su trabou como medium. Su mensahenan ta detaya y transmiti cu amor, compasion, alegria y humor. E ta stima pa traha cu spirito.
Un anochi manera esaki ta pa trece alegria, elevacion, comodidad y e apoyo unda ta necesario. No solamente pa esun cu ta ricibi e mensahe, sino pa tur hende den audiencia (publico). Un bunita experiencia di sinti e esencia di spirito y pa ta testigo cu amor ta continua, y algun biaha hasta ta mas profundo ainda.
Algo tocante ken ta Liesbeth Jusia
Liesbeth tin mas di 30 aña di experiencia laboral den organisacionnan comercial, di cual el a traha como consehero huridico pa mas di un decada. E ta intuitivo for di henter su bida. Na 2007, despues di tabatin algun experiencianan personal hopi intensivo, el a sinti e necesidad pa enfoca riba su desaroyo personal/spiritual y yuda otronan (re)descubri nan potencial y poder. Liesbeth a ser entrena na ‘Arthur Findlay College’ na Stansted (UK) y den aña 2014 El a logra di ta acredita di ‘Spiritualists’ National Union’ (UK) pa demostra ‘mediumship’. El a traha den henter Hulanda y afo, na unda Liesbeth ta haci consultanan priva y dirigi tayer-/retironan riba desaroyo personal/intuitivo y mediumship.
Liesbeth Jusia ta desea di invita bo persona of hunto cu famia pa e anochi educativo, special di San Valentino y di un experiencia unico. E anochi aki lo ta riba diamars, 12 di februari 2019, pa 08:00 pm den sala di exposicion den Cas di Cultura. Pasa na Cas di Cultura pa bo carchi di entrada cu lo ta Awg. 30,- pa persona of e anochi prome cu e actividad. Esaki ta djis pa cubri e gasto di sala.

Comments

comments