Dia 12 di augustus mundo henter ta celebra dia internacional di hoben. Asociacion Trabao di Hubentud na Aruba (ATHA) ta felicita tur hoben riba nan dia.
Como mayor, guiado y educadornan laga nos uni nos mes na e lema di United Nation “Safe Space for youth”. Nos hobennan merece di tin espacio caminda nan por bini hunto den actividad pa comparti nan necesidadnan, interes y ta haya espacio pa duna nan opinion.
E espacio aki por trece interes cerca hobennan pa nan ta mas activo den nos comunidad riba diferente area manera deporte, arte y trabao boluntario. E espacio positivo ta yuda e hoben forma su futuro stabiel y cu vision.
ATHA ta pone atencion riba e fecha aki durante e proyecto Poder di Hubentud. Nos hobennan ta nos futuro y pesey ATHA ta kere den proyectonan pa hoben y tambe pa es nan cu ta duna nan sosten na nos hobennan.
Abo hoben pabien riba bo dia y nos kier encurasha bo pa descubri bo espacio positivo. Bo ta e futuro di nos Aruba.
Keda pendiente pa e next edition di Poder di Hobentud 2018..