Pa aña 2017 lo tin dokter nobo segun Solange Tchong. Cerca e oficinanan di dr. Yolanda Dennert lo bay tin un cambio cu entrante 1 di Januari 2017, e practica ta bay wordo tuma over door di dr. Wever y esaki ta nifica cu e pashentnan cu tabata inscribi cerca dr. Yolanda Dennert ta bay ricibi un carta di AZV na unda cu ta informa nan cu ta bay tin un traspaso automatico y cu nan tur lo pasa awor aki pa dr. Auristelli Wever.
Banda di esey ta bay tin un otro grupo cu tambe ta bay pasa den un traspaso automatico. Esey kiermen cu AZV mes ta percura pa garantisa cu e cuido medico por sigui y esey ta e practica di dr. Glen van Trigt. Un dokter cu hopi aña a duna servicio na e aseguradonan di AZV na unda cu el a yega e edad cu contracto cu AZV ta termina. Ta bis’e hopi danki. AZV ta hopi gradicido pa tur e añanan cu el a yuda su pashentnan. Tambe ta avisa cu e pashentnan cu ta inscribi na dr. Glen van Trigt cu entrante 1 di Januari 2017, nan lo wordo traspasa pa dr. Rosa Vogel. Ta importante pa menciona, dr. van Trigt ta den e groeps praktijk van Trigt y esplicitamente e pashentnan lo pasa pa e dokter ya menciona. Nan tambe ta bay haya un carta cu AZV a prepara pa nan pa avisa nan y cu lo duna nan informacion tambe kico tur nan por entrenta nan mes cune.
Dr. Rosa Vogel lo keda traha den groeps praktijk van Trigt. Kiermen e ta bay keda na e mesun local unda cu tur pashent ta custuma. Simplemente nan no ta bay haya e servicio di dr. Glen van Trigt, pasobra e dokter den bista di AZV ta bay disfruta di su pensioen. Of kisas e lo sigui traha, cual AZV no sa, pasobra ta keda na cada un. Pero en todo caso cu AZV e contracto ta termina y entrante 1 di Januari 2017 e practica e ora lo bay pa Rosa Vogel.
Dr. Joaquin van Trigt tambe ta keda den e oficina. Specificamente pashentnan cu tabata inscribi cerca dr. Glen van Trigt lo pasa pa dr. Rosa Vogel.
Otro cambio cu lo bay tin entrante 1 di Januari 2017, ta oficina di dr. Edwin de Cuba na Santa Cruz. Ta asina cu dr. Edwin de Cuba entrante 1 di Januari lo bay traha hunto cu dr. Charlotte van Horenbeek y esey kiermen cu nan dos como dokter por reemplasa otro, lo por duna e servicio na Santa Cruz y den e oficina ey tambe AZV, hunto cu dr. Edwin de Cuba, a haci un seleccion toch di mas of menos 800 pashent cu lo bay wordo traspasa automaticamente pa dr. Charlotte van Horenbeek, ya cu e dos dokternan aki ta traha hunto.
En realidad no ta cambia mucho si pa e pashentnan cu tabata custuma caba bay cerca oficina di dr. Edwin de Cuba, pasobra en principio e lo bira un practica hunto. Den practica e ta nifica tambe, cu e pashentnan cu wordo traspasa pa dr. Charlotte van Horenbeek, lo keda wordo mira pa e dokter, pero e dokternan por reemplasa otro, dus e facil pa e pashent ta cu bo por hayabo toch cu tur dos dokter lo por atandebo ora cu ta necesario.
Esaki ta algo cu AZV semper a stimula. Ta prefera ora cu dokternan di cas ta traha hunto, pa e motibo cu esaki ta yuda un cu otro den e parti organisatorio. Atrobe ora un ta malo, e otro por tuma over. Of ora cu un bay cu vakantie of bay un curso, e otro ta tuma over e pashentnan y esaki ta yuda cu eigenlijk semper e servicio di e dokternan di cas ta keda. Esakinan ta cambionan entrante 1 di Januari 2017.