Den un storia cu ta ripiti desde 2022, e campeon di mundo, Kylian Mbappe, un biaha mas ta wordo liga cu Real Madrid pa join gratis riba e mercado di zomer.
Segun e medionan Spaño, e Frances lo a comunica cu Paris Saint Germain cu e lo tuma un decision den e proximo dos simannan.
Te asina leu, e ekipo di e capital Frances no a ofrec’e un acuerdo di renobacion, sperando cu e hungado confirma si e lo kier sigui forma parti di e proyecto.
Di su parti, Real Madrid ya a mand’e e proposicion di contract na Mbappe y e no lo por gana mas di 30 miyon euro bruto pa campaña. Awo tur cos ta depende di e boluntad di e hungado.
Paris ya ta trahando riba un posibel reemplaso, cu lo ta Rafael Leao, extremo Portugues di Milan, cu tin un clausula di rescision di 175 miyon euro. Jose Feliz Diaz, periodista di Marca na Madrid, a afirma: “hende cu conoce Paris Saint-Germain y ta hinca aden, ya caba a admiti cu e lo marcha.”
Mientrastanto, presidente di LaLiga, Javier Tebas, tambe a papia di Mbappe: “Mi ta dun’e mas di 50% di posibilidad p’e ta ficha pa Real Madrid.” E futuro di e delantero di 26 aña lo wordo defini den e proximo dianan.