Instituto Biba Saludabel y Activo, IBiSA ta informa na comunidad cu servicio di Bus di Salud ta sigui. Salida di e bus ta un cooperacion entre IBiSA y Botica di Servicio cu a sponsor tur material di test pa henter e siman aki. E schedule ta cla y e bus ta sali pa duna su servicio na publico den diferente bario.
Dialuna 10 di October – Parkinglot Kooyman, Primavera – 8:30a.m. – 3:00p.m.
Diamars 11 di October – Parkinglot Botica Eagle – 8:30a.m. – 3:00p.m.
Diaranson 12 di October – Parkinglot Boutique Giselle, Noord – 8:30a.m. – 3:00p.m.
Diahuebs 13 di october – Dilanti Wit Gele Kruis, Sta. Cruz – 8:30a.m. – 3:00p.m.
Diabierna 14 di October – Banda di YMCA, San Nicolas – 9:00a.m. – 3:00p.m.
Riba e dianan aki ta controla si bo tin un peso saludabel (BMI), presion di sanger, sucu den sanger y colesterol y tambe ta duna conseho con pa hiba un estilo di bida mas saludabel. Tur control ta completamente gratis y no mester ta na yuna pa bin haci e control. Ta corda na tur persona cu acudi pa presenta cu nan carchi di AZV pa e proceso di registracion.
IBiSA ta invita comunidad di Aruba pa probecha di e servicio di Bus di Salud cu ta cerca den bo bario durante e siman aki.