Diabierna, 16 di Juni 2017 Space and Nature Aruba a tene su di dos evento asina yama ‘Stargazing in Aruba – Saturn edition’ den Parke Nacional Arikok. Space and Nature Aruba ta un grupo den formacion y cu meta principal pa educa y entusiasma nos hoben y adultonan riba tereno di Astronomia, Astrofotografia, Naturalesa, Meteorologia y Ciencia.
Na April, Space and Nature Aruba a tene su prome evento cu topico principal Jupiter cual tabata den e asina yama “Opposition”. “Opposition” ta un termino uza den Astronomia cu ta nifica cu e planeta, ta entre e mundo y solo, y ta haci esaki mas briyante pa por mira. E biaha aki a toca turno pa e planeta cu renchi Saturno yega den “opposition” of oposicion, manera nos ta yam’e, pa e temporada aki.
Riba e anochi aki, un publico di mas of menos 150 bishitante, por a probecha cu Saturno tabata den “opposition” y asina por a brinda e oportunidad pa gosa di esaki via diferente telescopio. Tambe a duna varios lectura cortico manera con pa traha cu un telescopio, lesa mapa di strea, astrofotografia, y tambe Saturno. Den un ambiente ameno publico por a gosa di e actividad aki.
Mirando e interes grandi, ta invita tur hende pa like nan Facebook page: @SpaceNatureAruba of bishita nan website www.spacenaturearuba.com.