Diaranson atardi den presencia di su excelencia Minister President, Sra. mr. Evelyn Wever-
Croes, Departamento di Aduana conhuntamente cu ATIA a haci entrega di certificado na e graduadonan di e di dos grupo cu a termina e curso Douane Declaranten cu exito.
Despues cu e prome curso di Douane Declarant a start na maart y a termina cu exito na juli, Departamento di Aduana conhuntamente cu ATIA a continua cu e di dos curso dia 17 di Augustus. Tanto ATIA como Douane a ta comprende for di Brokers, Importeurs y Inklaringsagenten cu tin un necesidad y entusiasmo grandi pa sigui cu e curso aki. E di dos curso a start cu 30 participante di cual 25a termina esaki cu exito. E curso Douane Declarant ta contene tur locual un declarant mester ta na altura ora di declara mercancia na Douane entre otro pidi exoneracion di impuesto, bay den bezwaar y pidi restitutie. Departamento di Aduana sigur a wak un mehoracion den e forma di haci declaracion, bay den bezwaar y pidi restitutie. E Douane Declarant tambe ta comprende miho kico su tarea ta y con pa haci e di e miho forma na momento cu e mester haci un di e procesonan y interpreta e leynan di Douane.
E tres cursistanan cu a termina cu miho puntuacion ta:
1. Sra. Gabriella Noguera di Romar Trading
2. Sr. Martin Meijll di Cavalier Logistics
3. Sra. Creselda Koolman di Land Sea Air Cargo
Departamento di Aduana y Aruba Trade & Industry Association ta gradici tur e cursista pa nan esfuerso y alabes deseanan tur clase di exito den carera como Douane Declarant. Pa mas informacion over di e siguiente curso interesadonan por tuma contacto cu ATIA.