Lo tin diferente persona cu lo bin di afo pa duna charla y ideanan cu por pone nos traha mas miho pa loke ta nos cuido y salud segun minister dr. Alex Schwengle.
E ta sigui splica cu lo bay tin representantenan di Harvard University, West Indies University, PAHO, OECT y tambe for di Universidad di Oklahoma.
Tin oradornan tambe cu ta bin di Aruba. Si ta bon HAVA, Hospital tambe lo bay tin un best practice speech. Nan lo bay splica kico tin riba tereno di Integrated Care y a pidi Corsou y St. Maarten pa haci nan presentacion, pa asina tin un tint local y regional. Tin hopi cos cu ta haciendo pa hiba cuido na Aruba dilanti. Ta importante pa e gruponan bin hunto, unda cu mainta lo tin e parti teoretico, e parti merdia e parti practico, unda cu tin hopi espacio. Minister Schwengle lo prepara duro pa bay wanta critica, pasobra asina mester ta. Mester ta habri pa critica, pasobra asina por drecha maneho na caminda y asina por garantisa pueblo un miho cuido.