Master Eric Barry y Shaul Illidge ta cla y raspa pa e di 9 campeonato nacional na memoria di srta. Anashia Murray. Full e siman aki Shaul Illidge a pone hopi enfasis ariba su team pa e copa keda San Nicolas. Challenge entre e scolnan di Taekwondo ta hopi grandi, mirando cu tur kier gana e copa aki y ta train duro pa wak kende lo bay cu e copa. Master Eric Barry a hinca su confiansa den Shaul Illidge cu ta un ayudo masha grandi pa e team di San Nicolas y cu ya caba ta hañando e respet di varios scol di Taekwondo.
Master Eric Barry ta premira cu Diasabra awor dia 3 di Juni Santa Teresita auditorium lo bay full full cu prensa, mayor, bringadonan y Polis pa asina ta testigo di e evento aki cu ta cuminsa pa 10’or di mainta y ta spera pa termina pa 5’or di atardi. Tur hende cu presenta por bira testigo di e mihor scol di Taekwondo cu lo gana e copa di Best Team.
Master Eric Barry ta haci un invitacion na nos pueblo di Aruba pa bin mira nos atletanan, specialmente: Jewell Illidge, Carlos Hernandez, Samuel Jones, Akeal Richardson, Shaquille Barry, Christopher Geerman, Nishon Dunlock, Bryan Charles, Rushineldy Lejuez, Myron Adams y Rodrick Ras. Esaki ta djis algun atleta di nos team, ainda falta.