Fundacion C.V.A. Aruba hunto cu Aruba Medical Assistance ta cla cu e programa pa e di 5 congreso cu lo tuma lugar diasabra 29 di October 2016 cu ta alaves International Stroke Day. Dia pa dia e cantidad di casonan di stroke ta aumentando. Na Aruba esaki no ta un exepcion.
Riba e dia aki lo haya mas informacion for di diferente orador manera dokternan di cas, neurologo, fisioterapista, hygienista dental, representantenan di departamento di salud publico, un nutricionista y un instructora di bailoterapia.
Nos ta un fundacion cu ta traha cu donacionnan cu ta bini for di e comunidad Arubano y pesey nos ta invita un y tur pa ta presente na e congreso aki cu lo tuma lugar na Renaissance Center. Orario di e congreso ta di 08:00 te cu 16:00 or. Carchi ta costa afls 75,– pa persona y ta inclui koffie, thee y un lunch saludabel. Bin scucha con pa PREVENI un atake cerebral.
Pa carchi, por registra / cumpra esaki via numbernan di tel: 5677004 of 7330270,tambe por registra via [email protected] of via e link aki https://form.jotform.co/62297014483861
E biaha aki tin e posibilidad tambe pa cumpra carchi na tur tienda di Nature’s Discount Center entrante 26 September.
No tarda pa no pasa manera aña pasa cu hende a keda afo!
No lo bende carchi na porta riba e dia di congreso!!
Ultimo dia pa cumpra bo carchi ta dia 14 di Pctober 2016, esaki ta pa hotel por prepara e cantidad di lunch pa e esnan cu lo ta presente.
Hunto nos por preveni stroke.