Zomercarnaval Unlimited 2024 lo celebra su di 40 aniversario na Rotterdam cu un programa diferente n’esun di e añanan anterior .Debi na varios incidente violento den e edicionnan anterior, e gemeente a implementa medida di siguridad mas estricto.
Como resultado, e organisacion a dicidi limita e evento na un solo parada riba caya, eliminando e festival di diabierna anochi y e programa di diferente escenario internaional cu normalmente ta tuma luga riba diasabra. Tambe nan lo cancela e Lighting Parade y e Warming Up di diabierna anochi, ya cu e organisacion no por cumpli cu e exigencianan adicional reiente di gemeente Rotterdam.
E gemeente a establece cu e evento mester tuma luga den un structura cera cu control di acceso mediante detector di metal y siguridad. Fuera di esey, e parada riba caya no por finalisa den e ubicacion di e evento y lo mester emiti ticket p’e acceso, aunke nan ta gratis. E organisacion no ta dispone di e tempo ni di e recurso necesario pa por cumpli cu e condicionnan aki p’e miles di participante cu ta acudi anualmente.
P’esey, tur e esfuersonan lo concentra den un parada mas festivo y colorido dia 27 di juli cu motibo di e di 40 aniversario y e reciente inclusion di e Zomercarnaval den e lista di Patrimonio Cultural Inmaterial di UNESCO. Lo permiti participacion d imas grupo y lo pone special atencion n’e decoracion di e parada. E organisacion lo explora con na 2025 lo por realisa un biaha mas un edicion completo di Zomercarnaval Rotterdam Unlimited.
Participacion di Aruba y Corsou
Tur aña, e gruponan musical nobo di Corsou y Aruba ta wordo invita pa actua den e Zomercarnaval di Rotterdam. Hopi di e gruponan aki di Corsou casi tur aña ta participa y tambe ta forma parti den e otro actividadnan di e festival. Dia 27 di juli, Zomercarnaval lo conclui cu un actuacion di e grupo musical “Tsunami” di Aruba, cu lo participa pa prome biaha den e parada.
