Anualmente DeWit y VanDorp stores ta participa na Festival di Buki pa mucha. Esaki cu e meta pa yuda stimula lesamento bou di nos hobennan for di un edad jong.
E aña aki Festival di buki pa mucha ta hiba e tema di Opa y Oma, conta mi y inspira mi. Diabierna 28 di October esaki ta ranka sali na Biblioteca Nacional Playa y sigur DeWit y VanDorp tambe lo tey presente. Nos lo tey for di 5or di atardi te cu 8or di anochi cu nos bukinan.
Diasabra 29 di October, VanDorp tin su evento tan gusta y e aña aki ta hiba e nomber di “Ban scucha cuenta cu Oma y Opa!” E lo ta un atardi ameno, caminda muchanan por tende storia y tambe sera conoci cu e autornan presente. Evento lo ta di 12or di merdia te cu 5or di atardi. Muchanan por trece nan Opa y Oma cu tambe por bin conta un cuenta.
Mayornan, probecha! Cu compra di 25,00 florin pariba na buki di mucha, ta ricibi e buki di cariño ‘Superwela den Coma’ completamente gratis.
Un biaha mas DeWit y VanDorp ta extende su invitacion na tur mucha, mayornan, opa y oma pa bin pasa un rato agradebel na VanDorp Dakota.
De Wit & Van Dorp stores ta un compania local cu ya ta forma parti di comunidad di Aruba pa mas di 65 aña. Pa cualkier producto di scol, oficina, co’i hunga of buki, pasa libremente na cualkier di nos sucursalnan Aruba Post na San Nicolas, VanDorp na Dakota y tambe den DeWit Books & Gift den Caya Grandi. Corda bishita nos pagina di facebook DeWit VanDorp y keda bon informa.