DELAWARE, Merca – Fuentenan di polis di e estado di Delaware a informa cu e Guardianan di e centro coreccional james T. Vaughn na Smyrna a wordo tuma como rehen pa e reclusonan. Debi na e incidente, otro centronan penitenciario di e zona a wordo cera di forma preventivo.
Vehiculonan policial a bay na e luga pa controla incidente.
“E reclusonan a apodera di un edificio di e centro,” e representante William Carson, miembro di e Comite di Coreccion di e Camara a bisa, segun medionan local.
Di e manera aki, e presidente di e Asociacion di Funcionarionan Penitenciario di Delaware, Geoffrey Klopp a bisa den entrevista pa medionan local: “Nos ta scuchando cu di e tres pa cinco oficialnan coreccional a wordo tuma como rehen.”
Decenas di vehiculonan policial, ambulance y varios helicopter a wordo manda na e luga di e hechonan.
E centro coreccional James T. Vaughn ta alberga aproximadamente 2500 recluso di entre low y high profile, incluyendo prisoneronan sentencia na pena capital. E prizon ta considera di nivel 5, siendo 6 ta e nivel di siguridad mas halto pa centronan penitenciario.
Fuente: NTN24