Diasabra atardi personalnan di GNC a trece un cantidad di personanan indocumenta cu ta deteni for di nan post na Dakota pa Sabana Berde pa tur hende ta cu otro. Pero un homber indocumenta nacionalidad Dominicano a cuminsa lanta cu e personal di GNC, e kier a comanda y pone ordo riba e personalnan cu mester bay na su amen.
Tension a subi un rato unda cantidad di patruya a yega debi cu tin basta ilegal deteni y asina a trece trankilidad bek. E homber a cuminsa instiga tur e otro presonan cu nan mester bay den welga di hamber. Tur e otro detenidonan a hala atras y laga e homber aki keda suso cu e palabra den su boca y e no por haci nada mas. Tur hende ta cansa di e homber indocumenta pasobra e ta bringando den corte pa hues dune razon cu e tin derecho di haya permiso pa keda Aruba mientras cu e tin basta aña ilegal riba nos isla y diripiente cu nan a gare e kier un permiso pero el a perde su caso den corte.
Pero e ta bringando pa bay bek corte pa hues dune razon mientras hues a rechase prome biaha. Tur e preso indocumenta a keda contento cu e homber Dominicano a bay otro post leu for di nan pasobra e ta e problematico di ultimo dianan aki y nan kier tin trankilidad, hopi a comenta cu nan ta pasando trankilo den e cambernna unda nan ta tuma aire tur mainta, merdia ora di come y atardi te hasta anochi nan ta mira pelicula, pero cu e homber Dominicano aki nan no tin trankilidad pasobra e ta terorisando nan tur.