LONDON, Inglatera – Un detenido ta haya cu 82 mil prezo na Inglatera mester haya popchinan di sex. Segun e, tin hombernan yena cu testosteron y mester haya un manera pa por alivia esey. Jack Swarez, kende a wordo sentencia na 17 aña den prizon pa trafico di droga, a bin na e idea door di a wak “Sex Toy Secrets” riba Canal 4. Den e ultimo edicion di Inside Time, e corant di prizon, a skirbi cu e prizoneronan no mag di haya bishita conyugal y cu nan mester haya popchinan di sex si nan comporta nan mes bon.
Demasiado testosteron
“E problema ta cu nos prizonnan ta yena cu hombernan hoben cu tin hopi testosteron. E hombernan aki lo a duna tur cos pa un tiki pasion,” Swarez a bisa. “Nan ta sexualmente frustra y ta bira inkieto pa esey, cu por ta porta nan ta busca alivio den mal comportacion.”
E ta mustra tambe riba e hecho cu algun pais Europeo permiti bishitanan conyugal, pero no ta permiti esaki na Inglatera.
No solamente pa sex
Den e documentario “Sex Toy Secrets”, varios homber a bin cu un popchi di plastic den e transmision aki. Swarez a ripara cu tur e hombernan aki tabata hopi contento y no tabata tin ningun stress.
Swarez a haya hasta sugerencia riba un tema. Tur hende cu kier cumpra uno, ta duna potret di nan ser stima, pa asina e companianan cu ta fabrica e popchinan por pone e potret riba nan. E popchinan di sex tambe lo percura pa algo di compania, por ehempel pa wak television hunto of hasta tin anochinan di cita, “date nights.”
Fuente: http://nl.metrotime.be/