Un rato pasa a tuma nota di diferente movecion den cercania di Dimas. Varios unidad policial a uni pa asina tene un razzia den districto di Playa.
A sigui e caravana di Polis y a bin termina na un cas dilanti di Grand ocean na Madiki Kavel. A drenta e cas y a detene tres persona.
Polis activo cu diferente accion riba caya unda for di oranan di diahuebs atardi a detene un homber Dominicano den su accion pa sigui skim, e biaha aki ta masbien relaciona cu un asunto di skimming, despues cu banco a haci denuncia na autoridad cu varios persona a constata cu nan placa a keda lanta na otro bancomatico y tal suma cu nan no a ni haci e transaccion aki.
Ta por lo menos dos siman caba cu e personanan aki ta bezig cu e tipo di accion aki. Te unda por a bin compronde, e personanan aki ta procedente di Europa, e grabacion for bancomatico cu banco a entrega na autoridad pa nan wak con e acto aki tabata tuma luga, a pone cu a haci investigacionnan di biaha y pone man riba e sospechosonan aki.
