Diasabra anochi laat manece diadomingo marduga, polisnan di San Nicolas a tene control den caya principal. Durante control nan a canta bingo na momento cu nan a bay controla varios auto y detencion y autonan a keda confisca.
Na altura di amc unicon, a controla un Nissan March shinishi y aki detencion a cay caminda a topa un hende homber cu droga den su poder y e Nissan March su auto su papelnan no ta na ordo.
Polis a confisca esaki y bay warda cu ne.
Un rato despues, polis a para un Honda CRV shinishi pa control y a detene e chauffeur pa core bou di influencia tambe debi cu a duna e chauffeur chens pa supla pero a faya varios biaha.
Riba Lagoweg, polis a detene un homber cu a core bin na momento cu polisnan a bay controla un auto y e homber aki a bin pa stroba polis y polis a bay atende cu ne.
Na momento cu polis a bay antende cu me a detene debi cu eta burachi y a haya droga riba dje.