Willemstad Curacao: Den oranan di tempran di mainta riba djaluna 29 di ougùstùs 2016, riba òrdu di Ministerio Públiko BES, a detené un hòmber komo sospechoso den e kaso di atrako na un kas kaminda un agente polisial a pèrdè su bida ku a tuma lugá dia 17 di ougùstùs último (Investigashon DRUM). Inisialnan di e hòmber aki ta R.S. i e ta nasé na Boneiru.
Despues di e detenshon aki, bou di responsabilidat di Wes Komisario, a listra den e bibienda situá na Boulevard Gobernador Debrot aki na Boneiru. Aki a konfiská vários artíkulo den kuadro di e investigashon.
Tim di aresto di kuerpo polisial di Kòrsou a duna asistensia den e detenshon ku a keda realisá awe mainta.
Riba djasabra 27 ougùstùs e tin investigativo DRUM a konfiská Van blanku. Manera a anunsiá anteriormente den e investigashon aki, un Van blanku sospechoso a bini dilanti.
Cortesia di Radio Live 99 Boneiro
