Curacao: Kontinuando ku un investigashon den un kaso di atrako kometé dia 30 di desèmber 2020, riba un toko den área di Mirla Plateweg, polis a hasi un detenshon.
Djamars 12 di yanüari 2021, den oranan di atardi, tim di aresto konhuntamente ku e tim di atrako a detené un sospechoso femenino K.C. di 20 aña di edat, nasé na Kòrsou.
E detenshon a tuma lugá na kas di e sospechoso na Cocolodeweg.
LIVE Direct Media Curacao
Seguidamente e unidatnan a tene un entrada hudisial na e adrès menshoná, kaminda a konfiská algun artíkulo ku ta di importansia pa e investigashon.
A presentá e sospechoso dilanti di un fiskal ouksiliar ku a ordená su enkarselamentu, pendiente di mas investigashon.