Willemstad Curacao: Djabièrnè 11 di mart 2022 alrededor di 13.05’or, polis durante un kontrol di tráfiko riba Fokkerweg, a duna un shofúr dos biaha òrdu pa para su vehíkulo.
E shofùr no a duna oido na polis i a manda e vehíkulo riba un di e agentenan i sigui kore bai for di e sitio.
Mesora un unidat polisial a kuminsá ku persiguishon i den e área di Saliña a logra para e vehíkulo aki.
Na e sitio a detené e hòmber sospechoso R.N.L., nase na Kòrsou di 24 aña di edat, relashoná ku intento di asesinato.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.