Curacao: Djaweps 6 di ougùstùs 2020 alrededor di 22.52’or, Sentral di Polis a dirigí un unidat di polis na un kas na Weg naar Fuik pa un kaso di maltrato. For di investigashon ku polis a realisá na e sitio a resultá ku un pareha tabatin problema ku otro. Ruman hòmber di e dama a presentá na e sitio i a maltratá kasa di su ruman muhé ku un bate di beisbòl na su kabes. Ambulans a transportá e víktima pa sala di emergensia di C.M.C. pa tratamentu médiko. Relashoná ku esaki a detené e hòmber sospechoso C.E.P. nasé na Kòrsou di 24 aña di edat. A presentá C.E.P. dilanti un fiskal ouksiliar ku a ordená su enkarselamentu pendiente di mas investigashon.