Diabierna 14 di April e sospechoso di inicial U.L.W akeda deteni na Republica Dominicana. Ministerio Publico di Korsou a haci un peticion di extradicion di U.L.W na autoridadnan di Republica Dominicana den cuadro di e investigacion Themis bao di direccion di Ministerio Publico Korsou y team di recherche conhunto cu ta consisti di miembro di RST y di miembro di cuerponan policial di Korsou, St Maarten y Aruba.
Ta sospecha U.L.W di entre otro participacion na e organisacion yama No Limit Soldier (NLS). Esaki ta un colaboracion criminal cu ta responsabel pa diferente likidacion y asesinato cu a ser cometi den Reino Hulandes y tambe na otro paisnan. Tambe a sospecha e organisacion di tin hopi tempo caba involucra den traficacion internacional di droga. Un parti di e investigacion Themis ya a keda presenta dilanti hues den corte di prome instancia na Korsou.
Cuatro sospechoso a keda condena, dos di e sospechosonan a bay den apelacion. Luna pasa a sigui cu e tratamento di Themis den corte di apelacion na Korsou. Na e momento aki tin cuater sospechoso cu ta wordo persigui den corte di Prome Instancia. Mientrastanto den cuadro di extradicion, e extradita e sospechoso C.S.H cu tabata dos aña sera na Reino Hulandes.