Den un decision tuma awe merdia, e detencion di e politico Benny Sevinger y su esposa a wordo prolonga. Tres otro a haya nan libertad. Esaki tin di haber cu caso Avestruz.
Diaranzon 26 mei 2021 e sospechonan O.B.S. y C.M.C.H. a keda deteni. S. ta wordo sospecha di a comete varios hecho castigabel entre otro, soborno (omkoping), abuso di cargo (ambtsmisbruik), labamento di placa (witwassen) y participación na un organisacion criminal (deelname aan een crimínele organisatie).
C.H. ta wordo sospecha di labamento di placa.
Awe despues di merdia huez-comisario a trata e detencion (verlenging inverzekeringstelling) di e dos sospechosonan aki. Tur dos, tanto S. como C.H., lo keda den detencion pa awor na interes di e investigacion.
Ademas huez-comisario a trata awe despues di merdia e peticion entrega door di Ministerio Publico tocante detencion di e sospechoso P.Th.A.S.
Huez-comisario a duna ordo pa detencion (gevangenhouding) di S. y a dicidi cu e sospechoso aki tambe lo keda den detencion pa awor.
Riba peticion di Ministerio Publico huez-comisario a suspende detencion den e casonan contra e sospechosonan F.F.A., F.P.E. en M.L.A. mara na condicionnan.
Banda di condicionnan general, huez-comisario a pone como condicion special cu e sospechosonan ta prohibi di tin contacto cu cierto personanan y cu nan mester coopera cu e investigacion.