Detencion den caso Hector di dama haya morto na Saba

Saba: Den kuadro di e investigashon Hector, ku ta trata di e kaso kaminda un studiante femenino na Saba a fayesé den luna di aprel di 2015, riba 17 di ougùstùs último a hasi un detenshon.
Outoridatnan na Merka a hasi e detenshon riba petishon di Ministerio Públiko di Boneiru, Sint Eustatius i Saba (BES).
E sospechoso detené ta un hòmber ku inisialnan S.C.. Ta trata di un habitante di Merka, pero ku no tin nashonalidat merikano.
C.S. ta un eks studiante di Saba Medical School.
For di momento ku a haña e víktima e kaso aki ta bou di investigashon.  Ademas Korps Politie Caribisch Nederland (KPCN) a traha den estrecho koperashon ku Polis Nashonal (Nationale Politie) i Instituto Forensiko Hulandes (Nederlands Forensisch Instituut, NFI) na Rijswijk.
Na momentu ku for di investigashon tabata  tin sufisiente sospecho  riba C.S. i ku a risibí informashon ku e tabata biba na Merka, a hasi e petishon pa detené.
Entre tantu a hasi e petishon na Merka pa ekstradishon di e sospechoso den kuadro di e investigashon.
Ministerio Públiko BES ta eksperensia un koperashon  hopi bon i estrecho ku e outoridatnan Merikano. Pero e proseduranan hurídiko mester kana nan kaminda promé ku por ekstraditá i trese bek BES, esaki lo por tuma te asta 6 luna.
For di e detenshon a sali na kla ku den e investigashon tin bon desaroyo. Tòg polis i Ministerio Públiko ta enfatisá ku por ta di gran importansia pa duna polis  informashon ku no a duna ainda pa meldu esaki. Por bèl e línea di tep Korps Politie Caribisch Nederland  na +599 717-7251.

Comments

comments