DEN HAAG, Hulanda- Dialuna Koninklijke Marechaussee a detene dos persona cu tabata tin planea pa transporta dies persona di origen Vietnamita den forma di contrabando den un freezer pa Inglatera, entre nan 5 mucha.
E personana aki lo a wordo manda for di Rotterdam pa Inglatera. Durante investigacion previo, Marechaussee a yega na a pista di un Ingles di 39 aña. Esaki a conduci na e vivienda na Den Haag, caminda e dies vietnamitanan a wordo encontra. Entrenan tabata tin tres mucha muhe y dos mucha homber di entre 11 y 17 aña.
Durante e razzia na e cas a detene un Hulandes di 37 aña, cu ta habitante di e cas. E Britanico a wordo deteni den vecindario. Den su auto nan a bin haya dos persona, di procedencia Sirio, cu documentonan falso.