Diabierna mainta esunnan encarga cu e santana di San Nicolas, na momento di bay pa habri e porta pa asina esunnan cu kier bishita nan sernan stima cu ta dera eynan, por drenta y haci esaki a topa cu un situacion bastante desagradabel.
Ta asina cu den oranan di anochi pa marduga desconocidonan lo mester drenta den e santana y cu hopi rabia a bai over na comete hopi destrucion na entre otro e crus mei mei di e santana pero tambe na differente grafnan den e santana.
Di biaha esunnan encarga a yama tanto Polis pero tambe pastoor di misa Santa Teresita pa asina bin den santana y tuma nota di e caso lamentabel aki.
E caso aki ta sigur uno di lamenta, ya cu ni e defuntonan den santana no ta scapa di malhechornan.