For di diasabra merdia un patruya di Santa Cruz a duna chauffeur di e rav4 shinishi A-55693 señal pa para riba caminda di dump despues cu e tabata cometiendo basta acto y tabata un peliger pa caminda. A start persecucion na varios ocasion su tras el a comete accidente na rotonde Mahuma y te hasta un auto di polis a keda kibra durante e persecucion diasabra atardi. Asina e homber su paranda a sigui full pariba di brug. E tabata chercha di autoridad y te hasta den TDQ. A core su tras na numeroso biaha den TDQ camindanan di Pos Chikito pa Savaneta, subi e tanki di Savaneta y core camindandanan di Savaneta luz paga na algun ocasion drenta Brazil, Mabon etc. Pero polisnan tabata haya ordo di hefe di otro warda pa stop e persecucion maske cu nan tabata algun meter leu pa blokia e chauffeur. Ainda diadomingo den careda di 3or pa 4or marduga a topa cu e auto tabata Savaneta bay direccion abou te Santa Cruz. Diadomingo mainta a sigui e auto y topa cu e chauffeur aki na mangel halto bar y a keda deteni. E tin basta acto pa bay enfrenta cu husticia y polis a tuma e auto den beslag. Vocero di Polis sr Lacle tambe tabata presente pa pone su mes na altura di e chauffeur cu tabata un menasa pa caminda diasabra henter dia poniendo bida di tur hende na peliger.