Ministerio di Asunto Economico, Comunicacion y Desaroyo Sostenibel a anuncia un revision den e prijsnan di benta di combustibel cu lo drenta na vigor diaranson, 12 di juni 2024. E medida aki ta sigui e fluctuacionnan observa den e luna di mei, caminda cu a registra un aumento den e prijs di gasolin y un caida den e prijs di diesel. A continuacion e prijsnan nobo lo ta como lo siguiente:
Gasoline unleaded-premium: 257,6 cen p/ltr. (- 11,4 cen)
Diesel LS: 217,7 cen p/ltr. (- 10,5 cen)
Kerosin: 198,7 cen p/ltr. (- 12,9 cen)
Ta importante señala cu e prijsnan aki ta inclui tur impuesto aplicabel, specificamente BBO, BAZV y BAVP.
E Ministerio ta reitera su compromiso cu transparencia y regulacion adecua di e prijsnan di combustibel, sigurando cu e cambionan aki ta refleha di manera husto n’e condicionnan economico y ta beneficia e poblacion. Ta recomenda e consumidornan pa nan mantene nan mes informa riba e updatenan pa planifica adecuadamente nan gastonan den combustibel.