Diabierna mainta, personal di Fundacion Paraiso, ta bati alarma. Esaki ta debi cu tabata tin cuater persona di edad, cu hunto cu e chauffeur a sali bay un actividad, manera nan ta haci normalmente, pero cu nan no a regresa.
Pero, danki Dios, cu despues di un buskeda intensivo, a bin localisa tur 5 persona, sano y salbo na Andicuri.
E personanan aki tur ta bon di salud, no mas un poco deshidrata. Aparentemente, e bus lo a daña pa cual nan a dicidi di keda eytras. Un otro tourbus a bin hayanan pariba di Blackstone Beach, pariba di Andicuri.