Diabierna algun rato prome cu 2’or di marduga chauffeur den un honda accord acompaña cu su pareha bayendo cas na Calbas a lubida cu e caminda tin un final y a sigui straight y subi tereno di un cas y dal den muraya di e cas. E chauffeur y e pasahero a resulta herida. Dos unidad di ambulance a presenta na e sitio pa atende cu ambos persona. Roadservice tabata presente y a pidi asistencia policial, patruya a acudi na e sitio y tuma dato. Paramedico di ambulance a brinda asistencia medico.