Tabata den luna di September di aña 2014 cu Comite Olimpico Arubano su Direccion Desaroyo bou di encargo di su Director Sr. Robert Falconi hunto cu e Psicologo Deportivo di COA, Sra. Julisa Jones a inicia cu e curso aki bou di un entusiasmo grandi di nos entrenadornan deportivo cu a cumpli cu e exihencianan necesario pa por a participa na e curso.
E curso tabata consisti di 13 materia y un tesis, cual cada un di nan a yuda engrandece e conocimento cientifico cu awendia ta wordo spera y exigi di un coach.
Alrededor di 40 tecnico deportivo den 17 diferente ramo di deporte na Aruba a yega riba e prome dia di e curso aki. Na final 31 entrenador deportivo a logra finalisa esaki cu exito cual ta representa 15 diferente ramo di deporte. Di e grupo aki, 18 entrenador a ricibinan diploma y 13 a ricibi nan certificado di participacion.
E diploma aki ta uno hopi valioso pa nos tecniconan deportivo y ta wordo considera como e Sport Coach Diploma di nivel mas halto aki na Aruba. Orguyosamente nos por menciona cu e curso aki a wordo diseña y confecciona pa nos propio docentenan local manteniendo e standardnan internacional y ta carga e seyo di Comite Olimpico Arubano y tambe di Olympic Solidarity.
Comite Olimpico Arubano por medio di su Direccion Desaroyo su mision ta pa sigui engrandece e conocimento di nos tecniconan deportivo dor di ofrece e.o. cursonan di nivel mas halto y mas profundo cu e unico meta pa nos tecniconan deportivo sigui eleva e nivel di nos deporte aki na Aruba.
Esnan cu a gradua y ricibi nan diploma tabata Lloyd Wever, Patrick Vrolijk, Kenneth Vrolijk, Thielman Roxine, Stella Rodriguez Maduro, Irald Phelipa, Richard Luydens, Gisela Losada, Franklin Leslie, Tyrine de Kort, Reynaldo Johnson, Luis Hunt(miho graduado), Moriama Gomes, Fransisco Goedgedrag, Marco Dupersoy, David Dubero, Augustine Dorothal y Alexander Biesum. Esnan cu a ricibi nan certificado di participacion tabata Maruska Croes, Javier Erasmus, Jurrien Erasmus, Eduardo Macias, Erik Rendondo, Elmerlindo Robles, Teo Rodriguez, Ronald Serrant, Rudolf Wester, Jorge Yarzagaray. Tambe nos a haya dos cursita cu a sigui cierto modulonan y cu exito, esakinan tabata Frederick Krozendijk y Bruce Harms.
Un pabien na tur cursista cu e participa na e Sport Coaches Course 2014-2016, Nivel 1. 2 y 3.