Central a dirigi patruya na altura di un adres den Caya Ernesto Petronia pa un pelea cu arma. Eynan a bin topa cu un auto preto di marca Hyundai. Mironnan dilanti di dicho adres a declara cu e conductor tabata arma. Den cuadro di esaki a para e auto, cual a cumpli tambe. Patruya a pidi pa e chauffeur y su pasahero sali for di e auto. Despues cu polis a ristra den e auto, nan a bin haya dos cuchiu, caminda cu e conductor CDCZ a declara cu ta di dje. A papia cu e homber ALCM, kende a bisa cu CDCZ tabata tin un discusion cun’e y mirando cu e tabata buscando problema cu M., el a haci manera cu e tin un arma cun’e. Den cuadro di esaki Z. a wordo deteni. E auto no tabata tin su belasting paga, di manera cu e auto a hiba cu takelwagen pa Garage na Santa Cruz. Central a wordo poni na altura.