Desde dialuna tabata tin accion dilanti di porta di refineria Isla na Corsou. No ta trata aki di trahadonan di e refineria, pero e trahadonan cu ta traha pa contratistanan cu ta labora riba e tereno di e refineria. Tin un disputa riba un pago cu tin cu keda paga pa loke ta e trahadonan aki. Nan mester a cobra e pago y nan tin mas of menos 2 aña hibando e lucha sin por keda cla. E cuater dianan cu a pasa, nan a bin ta manifesta dilanti di porta di refineria, poniendo presion pa asina nan lo por mira cu nan por keda cla. Nan sindicato PPK, nan presidente Alcides Coa, a splica na diferente ocasion, cu ta keda papia y papia, pero nada no ta bin afo. Ora cu bay cerca e doñonan di contratista, nan ta bisa cu bay na refineria. Ora cu bay na refineria, nan ta bisa cu ta paga y tin cu bay cerca e comision di contratista. Ora cu bay cerca comision, nan a bisa cu nan no por haci nada. Ta un wega di cashi pa muraya cu nan ta hunga cu e trahadonan di contratista, y nan a cansa. Diahuebs, cu tabata e di cuater dia cu nan a manifesta for di mainta tempran, a cera tur e entradanan di e refineria, poniendo cu por sali for di e refineria, pero no por drenta. Esey consecuentemente kico e ta trece cun’e, cu e trahadornan cu tin cu baha trabao, por bay cas, pero esunnan cu tin cu subi warda, esta tuma e cargo over, no por drenta pa haci esaki y ta yega un caminda cu e cos ta bay chock. Mas of menos den careda di 10’or di mainta, nan a haya un yamada mirando cu riba e mesun tereno di refineria ta e planta cu ta suministra coriente na tanto e refineria como na acualectra. 10’or tabata e ora crucial cu e trahadonan cu ta traha riba warda, for di e anochi anterior, por a keda, mirando cu tin e reglanan mara cu e trahado tin mag di keda, si e tin di baha 8’or, e por keda te cu 10’or di mainta. Despues di 10’or, e no mag di keda riba e planta, mirando e peliger cu esaki ta trece cun’e. Ora cu nan a mira cu a purba di negosha pa e trahadonan por drenta, nan no a logra. A traha un backup plan, manda tur e trahadonan rustenbeurt, manda un convooi eynan, purba di hincanan di parti di doc, mirando cu refineria cu doc tin un conexion cu otro. Ora cu e trahadonan a haya sa, nan a bay blokia y nan a topa cu e director di doc. A bis’e cu si e coopera, hinca e trahadonan, e trahadonan lo bay banda di doc tambe. A pidi’e pa keda afo di e problema. Polis a interveni aki, pero e plan no a bay door. E trahadonan a keda afo y sigur presidente a haci un yamada na tur e trahadonan pa keda trankil, keda calmo, no bira nervioso y pa nada no sali for di man. Pero eynan sigur e cos a sigui crece, mirando cu ta tuma nan haci di un banda, di un otro banda, te den oranan di merdia/atardi, caminda cu cos a sali for di man mes mes.
A dicidi di cende candela riba e caya Schottegat. E caya ta cera for di tur 4 dia cu ningun auto no por pasa y a cende candela riba e caya. Na momento cu e cos a sali for di man, ta ora cu un di e manifestantenan cara tapa, completamente tapa, a bin cu un colchon sin tin miedo di ningun polis, riott-team, tur hende cu tabata ta eynan, a benta esaki riba e caminda cu tabata pagando, haciendo cu esaki a bira grandi. Riott-Team a bin aden pa core ruim cu tur hende cu ta para dilanti porta di refineria. Tabata tin un confrontacion entre riott-team y e manifestantenan. Tabata tin basta pushamento, basta bringamento, basta losmento di klop hasta losmento di bala den aire, pa asina trankilisa, core cu tur e manifestantenan.
Den tur esaki cu un polis mester a ricibi kap riba su nanishi den e forsegeonan aki y a detene tres persona bay hiba warda di polis.
Un otro polis a core yega, un di e unidadnan di brandweer, cu a logra drenta ora cu nan move e manifestantenan pa a bin paga e candela, yega eynan, pidiendo pa basha awa riba dje, mirando cu e tabata tin algo ta kim’e na su cara sin sa ta kico. Nan lo mester a benta un likido of algo por estilo riba su cara, cu e tabata pidi awa y mas awa. Sigur den oranan di atardi, ora cu tur e manifestantenan tabata bringa cu riott-team, Alcides Kova, a haya un yamada pa bin un reunion pasobra nan a yega na un solucion. Luga esaki, ora cu nan a bay e reunion aki, akinan e mester a haya tende cu nan a entama un caso contra di e sindicato. E sindicato mesora a acudi bay corte, y aki a bin tende cu nan tin mag di protesta, nan tin mag di welga, pero nan no tin mag di stroba entrada, ni salida di e refineria, mirando cu tin mas compania cu ta labora riba e tereno di e refineria. Mester a kita tur hende, pero ya caba eynan riott-team a core cu tur hende. No tabata tin ningun hende mas, pero ta te eynan a keda y ta buscando contacto cu Alcides Kova pa mira kico ta e multa y decision final ta, kico ta bay sosode cu e manifestantenan pa laga tur cos keda te aki of cu ta bay sigui y kico ta bay sigui, con ta bay sigui tambe, pa loke ta e manifestantenan cu a welga durante cuater dia dilanti di refineria Isla.
- Latest
