Despues di Billboard, “Despacito” di Luis Fonsi ta yega nr 1 riba Spotify

0
RBC Juli 2018
Funmiles-2018

Desde cu “Macarena” di e grupo Los Del Rio a encabesa e listado musical di Billboard na 1996, niun cantica na Spaño lo a yega mas na top di Billboard.
Esaki te ora cu e remix pegahoso di “Despacito”, interpreta pa e Puertoriqueñonan Luis Fonsi y Daddy Yankee, cu e colaboracion di Justin Bieber.
Dialuna e tema a yega na e puesto mas halto di  Billboard Hot 100, riba temanan interpreta pa Bruno Mars y Coldplay.
“Despacito” a registra 54,3 miyon benta pa medio di streaming den e siman di 11 di Mei, segun e consultora Nielsen Music, cita pa Billboard.
E ta lider tambe den bentanan digial, cu 104 mil copa bendi den e mesun periodo.
Aunke cu e version original tabata un exito instantaneo, e tin 15 siman dominando e lista di Billboard di exitonan Latino, e contribucion di Bieber den e mezcla ta parce di a haci cu e cancion aki a yega na encabesa e lista di e cancionan mas exitoso na Merca.
E remico cu e strea di pop Canades, lansa dia 17 di April, ta representa 73% di e bentanan di e cancion aki te cu dia 11 di Mei.

Pero esaki no ta e unico exito rotundo cu e melodia pegahoso aki ta haya y cu dia prome di Mei e cancion a bati otro record: el a bira e cancion mas popular di mundo henter riba e plataforma di musica Spotify. Mester bisa si, cu esaki cu yudansa di e idolo adolescente Justin Bieber.
E version aki di “Despacito” a comberti den e cancion mas skucha diariamente den e ultimo seis dianan di April mundialmente riba e portal di streaming di musica mas popular.
Dia 30 di April, “Despacito Remix” cu Justin Bieber a wordo skucha un total di 6 mil 291 biaha, pa cual el a supera ampliamente otro exitonan manera “Shape of You”, di e cantante Britanico Ed Sheeran, y “HUMBLE”, di Kendrick Lamar.

Fuente: www.bbcmundo.com

Comments

comments

C: Heineken
new india