Trahadonan di Brandweer Aeropuerto diadomingo mainta a tene un accion debi cu dos funcionario a bay un opleiding den exterior y manera e proceso a tuma luga a trece disgusto entre nan. E decision aki ta Leiding di Brandweer mes a tuma y e trahadonan ta kere cu mester tin trato igual pa tur bay dilanti den nan trabou. E trahadonan mes no tin nada contra cu tin coleganan ta bay pa haya un opleiding, pero tin miembro ta sinti cu nan tambe tin mesun derecho y cu nan ta keda afo. Relaciona cu esey Minister Bikker ta bay atende cu Leiding, pasobra tin un MOU firma cu Hulanda di aña pasa na Juli durante reunion di JVO na Boneiro. Basa riba esey, ta percurando pa diferente departamento haya opleiding y e MOU ta specificamente pa Brandweer.
Si tin persona cu mester haya e opleiding ey, Minister Bikker lo percura pa e haya e opleiding. Minister Bikker, despues di a haya tur informacion di e preocupacionnan di e trahadonan riba e situacion ta kere cu mester por yega na un solucion. Mesora a dicidi di planea un reunion diamars awor na Bestuurskantoor cu sindicato di Brandweer SIMBA. Tambe Minister Bikker a propone pa minimo un biaha pa luna reuni pa tin un Excel Sheet pa pone tur preocupacion y wak con por avansa riba tur deseo of cosnan cu ta den man di gobierno pa mira con por logra nan den cuadro di e reto presupuestario of riba nivel laboral. Minister Bikker, ta kere den solucion y e ta un persona di solucion. Varios di e preocupacionnan ta cosnan facil y lihe cu por adresa. E mandatario tin comprension cu e preocupacionnan pasobra esaki ta un Dienst cu pa hopi aña 2011, tin un rapport unda diferente cos mester adresa. Awor tin un sindicato cu kier duna atencion na esakinan y Minister Bikker ta habri pa yega na un solucion. Momento cu Minister Bikker tabata na Brandweer Aeropuerto diadomingo mainta, e por a mira cu tin algun mantencion cu mester di atencion y tin di nan cu di biaha den e siman cu ta bin por reemplasa nan of drecha nan.